Pawlu qiegħed jikteb dwar “il-fidi fil-Mulej Ġesù” u “l-imħabba lejn il-qaddisin kollha” ta’ dawk li kienu jemmnu – il-Kristjani!

Il-kelma “smajt” tissuġerixxi li l-appostlu ma kienx jaf personalment lil ħafna minn dawk li kienu qed jirċievu din l-ittra.

Pawlu jorbot il-vrus li ġejjin bil-kelma Griega hina (kelma qawwija ħafna li tesprimi riżultat jew skop) - “għalhekk,” din segwita bil-verb doe li t-ton tiegħu jindika xewqa. Ix-xewqa ta’ Pawlu kienet dawn jagħrfu l-barkiet li għandhom fi Kristu. Pawlu bħal li kieku qed jgħid, “Issa li aħna parti mill-Knisja ppredestinata tat-Testment il-Ġdid, x’jonqosna?”

Għarfa Sħiħa Tiegħu – vs. 17-19

Ix-xewqa ta’ Pawlu kienet li kull kristjan jagħraf b-mod sħiħ dak li rċieva fi Kristu. It-Talba tiegħu kienet li Alla jkompli jsawab fuq dawk li jemmnu d-don ta’ l-Ispirtu s-Santu li lu Hu kien diġa tahom, bir-riżultat li jkollhom aktar għerf u rivelazzjoni dwarhu.

Dan hu biss possibli bl-għajnuna ta’ l-Ispirtu s-Santu. Għalkemm il-kelma “spirtu” m’għandiex l-artiklu quddiema imma fit-test Grieg, bla dubbju tirreferi għall-Ispirtu s-Santu, dak li jgħin lil Kristjan jikber spiritwalment.

Pawlu talab li “l-qalb” jkollha għajnejn li bihom tħares lejn Kristu. Wara li għamel ċar l-iskop tat-talba tiegħu, Pawlu jurina tlett ħwejjeġ importanti ħafna u essenzjali għal maturità Kristjana:

1. It-Tama tas-Sejħa Tiegħu

F’vers 14 Pawlu jispjega li fis-salvazzjoni l-Kristjan jirċievi biss kapparra ta’ dak kollhu li Alla wegħdhom. Attitudni vera ta’ tama tixxenaq u tistenna l-Alla li jwettaq il-wegħdiet kollha Tiegħu.

2. Il-Wirt Tiegħu Qalb il-Qaddisin

Il-Bibbja titkellem ħafna dwar il-wirt li Alla wiegħed lil-poplu Tiegħu, imam f’dan il-vers insibu li qiegħed jitkellem dwar “il-wirt Tiegħu…” Minkejja li Alla huwa l-ħallieq ta’ kollox Hu jixxenaq għat-tifħir tal-poplu Tiegħu (vs.6, 12, 14). Meta nagħrfu li aħna l-unika ħlejqa tal-ħolqien t’Alla li nistgħu nagħtuh glorja minnħabba l-fatt li esperjenzajna s-Salvazzjoni (Rivelazzjoni 5:9, 10), dan għandu jkun motivazzjoni qawwija għal maturità spiritwali.

1. Il-Kobor tas-Setgħa Tiegħu Għalina li Nemmnu

Biex jispjega kemm hemm qawwa aċċessibli għal dawk li jemmnu, Pawlu juża erba’ termini differenti fil-lingua Griega f’dan il-vers. “Setgħa” (dunamis), abiltà, kapaċità, potenzjal. “Hidma” tiġi mil-kelma Griega minn fejn inġibu l-kelma energija (energeia) u tindika “qawwa li topera jew taħdem.” “Setgħa” (kratos) tirreferi għal “qawwa murija jew manifestata.” U fl-aħħar net il-kelma, “Qawwija” (ischus), din hija “dota ta’ qawwa” jew “il-pusses ta’ qawwa.”

Din il-qawwa topera dejjem “fi Kristu.” Fi ftit kliem, il-Kristjan ma jistgħax jgħamel dak li jidirlhu hu b’din il-qawwa imam jrid jikkonforma mad-direzzjoni mogħtija minn Kristu, il-kap tal-Knisja. L-eżerċizju ta’ din il-qawwa jitlob fidi kontinwa fi Kristu Ġesù, hekk kif emmina fih fil-konverżjoni tagħna.

Il-qawmien mill-mewt ta’ Kristu hija l-akbar manifestazzjoni qawwija tas-setgħa t’Alla. “Qiegħdu n-naħa tal-lemin Tiegħu stess” turi l-posizzjoni ta’ awtorità li Hu għandu.

Naraw kif Pawlu jiddeskrivi il-progress tal-qawwa t’Alla aċċessibli għal kull Kristjan biex dan jikber fi Kristu.

1) Nagħrfu l-bżonn tal-qawwa f’ħajjitna

2) Il-qawwa trid tiġi operata permezz ta’ Ġesù Kristu.

3) L-ezempju tal-qawwa t’All – Il-qawwmien mill-mewt ta’ Kristu